മലയാളത്തിലെ ലേഡി സൂപ്പര്‍സ്റ്റാര്‍ എന്ന വിശേഷണത്തിലൂടെ കടന്നുപോകുന്ന താരമാണ് മഞ്ജു വാര്യര്‍.
കഴിഞ്ഞ 25 വര്‍ഷത്തിലേറെയായി മലയാള സിനിമയില്‍ നിറഞ്ഞു നില്‍ക്കുകയാണ് മഞ്ജു.
ആദ്യ വരവില്‍ നിരവധി കരുത്തുറ്റ വേഷങ്ങള്‍ മലയാളത്തില്‍ ചെയ്ത മഞ്ജു വാര്യര്‍ നടന്‍ ദിലീപും ആയുള്ള വിവാഹത്തോടെ സിനിമ വിടുകയും എന്നാല്‍ 14 വര്‍ഷത്തിന് ശേഷം വിവാഹ മോചനം നേടി ശക്തമായി തിരിച്ചു വരികയും ചെയ്തിരുന്നു.
സൂപ്പര്‍താരങ്ങള്‍ക്ക് പുറമേ യുവതാരങ്ങള്‍ക്കൊപ്പവും ശ്രദ്ധേയമായ വേഷങ്ങള്‍ ചെയ്യുന്ന മഞ്ജു വാര്യര്‍ മലയാളത്തിന് പുറമെ തമിഴിലും ഹിന്ദിയിലും സജീവമാണ്.
തുനിവും ആയിഷയുമാണ് താരത്തിന്റെ അവസാനമായി തിയേറ്ററിലെത്തിയ ചിത്രം. ഇപ്പോള്‍ നടന്‍ ആര്യയുമൊന്നിച്ചുള്ള ചിത്രത്തിന്റെ തിരക്കിലാണ് മഞ്ജു.
ഇപ്പോഴിതാ സിനിമ സീരിയല്‍ താരം ബാലാജി മഞ്ജുവിനെ കുറിച്ച് പറഞ്ഞ കാര്യങ്ങളാണ് ശ്രദ്ധനേടുന്നത്.
മഞ്ജു ഒരു പ്രതിഭയാണെന്നും ഈ ഫീല്‍ഡില്‍ വരുന്നതിന് മുമ്പേ മഞ്ജുവിനെ കണ്ടിട്ടുണ്ടെന്നും പല സിനിമകളിലെയും മഞ്ജുവിന്റെ പെര്‍ഫോമന്‍സ് കണ്ട് അന്തംവിട്ട് നിന്നിട്ടുണ്ടെന്നും ബാലാജി പറയുന്നു.
കരിങ്കുന്നം സിക്സസ് എന്ന ചിത്രത്തില്‍ ഒന്നിച്ചഭിനയികുമ്പോള്‍ മഞ്ജു ഒരു ദിവസം തന്നെ കണ്ടപ്പോള്‍ നമസ്‌കാരം സര്‍ എന്ന് പറഞ്ഞ് എഴുന്നേറ്റ് നിന്നു.
ആദ്യം തന്നോട് തന്നെയാണോ പറഞ്ഞതെന്ന് സംശയം തോന്നിയെന്നും എന്നാല്‍ തന്നോട് തന്നെയാണ് പറഞ്ഞതെന്ന് മഞ്ജു പറഞ്ഞുവെന്നും അത്രയും ഡൗണ്‍ ടു എര്‍ത്ത് ആയിട്ടുള്ള വ്യക്തിയാണ് മഞ്ജുവെന്നും ബാലാജി പറയുന്നു.
എന്നാല്‍ മഞ്ജു ഇങ്ങനെ ചെയ്യുന്നത് സത്യമാണോ എന്ന് ആദ്യമൊക്കെ തനിക്ക് സംശയം തോന്നിയിരുന്നു.
വിനയം കള്ളക്കളിയാണോ എന്നറിയാന്‍ ദിവസങ്ങളോളം മഞ്ജുവിനെ നിരീക്ഷിച്ചുവെന്നും എന്നാല്‍ മഞ്ജു ശരിക്കും നല്ലൊരു വ്യക്തി തന്നെയാണെന്ന് തനിക്ക് മനസ്സിലായെന്നും ബാലാജി പറയുന്നു.
